जळगाव : प्रतिनिधी
जळगाव शहरापासून नजीक असलेल्या बांभोरी गावानजीक ज दि.१५ रोजी पहाटेच्या सुमारास भरधाव डंपरने क्रूझरला दिलेल्या धडकेत जळगावातील तीन ठार तर चार जण जखमी झाल्याची माहिती समोर आली आहे.
मिळालेल्या माहितीनुसार, जळगाव शहरातील साई नगर परिसरातील शिव मंदिर बांधण्यात आले असून, या मंदिरातील शिवलिंग घेण्यासाठी शुक्रवारी सकाळी सहा वाजता क्रुझर गाडीने ओंकारेश्वरला निघाले होते. मात्र घरापासून अवघ्या पाच मिनिटांचा अंतरावरच बांभोरी गावाजवळ समोरून येणार्‍या डंपर ने क्रुझरला दिलेल्या जोरदार धडकेत, भीषण अपघात झाला.
या भीषण अपघातात मृत झालेल्यांमध्ये विजय हिम्मत चौधरी (वय ४०), तुषार वासुदेव जाधव(वय २८) रा.खोटे नगर व भूषण सुभाष खंबायत(वय ४५ ) साई नगर निमखेडी यांचा दुर्देवी मृत्यू झाला आहे तर चार जण गंभीर जखमी झाले असून, त्यांच्यावर खाजगी रुग्णालयात उपचार सुरू आहेत. या घटनेमुळे परिसरातून हळहळ व्यक्त करण्यात येत आहे. शेवटचे वृत्त हाती आले तेव्हा पोलिसांनी अपघातस्थळी भेट देऊन मृतदेह जिल्हा रूग्णालात पाठविले होते.
