जळगाव : प्रतिनिधी
शहरातील खान्देश सेंट्रल मॉल परिसरात बेकायदेशीररित्या गावठी कट्टा घेऊन फिरणाऱ्या रितेश गजानन सोनवणे (वय २०, रा. शिरसोली इंदिरानगर) याच्यावर शहर पोलिसांच्या पथकाने कारवाई केली. त्याच्याकडून गावठी कट्टा हस्तगत करण्यात आला असून त्याच्याविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील खान्देश सेंट्रल मॉलच्या पार्कीगमध्ये शिरसोली इंदिरानगरातील रितेश गजानन सोनवणे हा तरुण (एमएच एमएच १९ बीडी ५३४७) क्रमांकाच्या मोटारसायकलजवळ उभा होता. त्याच्याकडे गावठी कट्टा असल्याची माहिती शहर पोलीस ठाण्याच्या कर्मचाऱ्यांना मिळाली. त्यांनी तात्काळ खान्देश सेंट्रल मॉल परिसरात धाव घेतली. संशयास्पदरित्या उभ्या असलेल्या रितेश सोनवणे याची झडती घेतली असता, त्याच्याकडे गावठी कट्टा व जीवंत काडतूस मिळून आले. याप्रकरणी पोलीस कर्मचारी तेजस मराठे याच्या तक्रारीवरुन संशयित रितेश सोनवणे याच्याविरुद्ध गुन्हा दाखल करण्यात आला आहे. पुढील तपास पोहेकॉ विजय निकुंभ हे करीत आहे.
