जळगाव : प्रतिनिधी
पिंप्राळा हुडको परिसरात एका तरुणाला तीन जणांनी चाकूने वार करून दुखापत केली. ही घटना रविवार ३ मार्च रोजी रात्री ११ वाजता घडली. याप्रकरणी सोमवार, ४ मार्च रोजी रामानंद नगर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, पिंप्राळा हुडको परिसरातील पप्पू शिरसाठ हे रविवार ३ मार्च रोजी रात्री ११ वाजेच्या सुमारास उभे असताना तीन जणांनी लाथाबुक्क्यांनी बेदम मारहाण करत चाकूने वार करून त्यांना जखमी केले. जखमीला शासकीय वैद्यकीय महाविद्यालय व रुग्णालयात दाखल करण्यात आले. याप्रकरणी सोमवार, ४ मार्च रोजी पप्पू शिरसाठ यांच्या पत्नी पूजा शिरसाठ यांनी फिर्याद दिली. त्यावरून तिघांविरुद्ध रामानंद नगर पोलिस ठाण्यात गुन्हा दाखल करण्यात आला आहे. पुढील तपास पोहेकों चंद्रकांत पाटील करीत आहेत.
