जळगाव : प्रतिनिधी
घरात झोक्यावर बसलेले असताना तोल जाऊन खाली पडल्याने सेवानिवृत्त सैनिक चंद्रशेखर सखाराम काळे (४०, रा. वाघ नगर) यांचा मृत्यू झाला. ही घटना मंगळवारी (दि.२७) रात्री घडली. या प्रकरणी तालुका पोलिसात नोंद करण्यात आली आहे.
मिळालेल्या माहितीनुसार, सैन्यातून निवृत्त झालेले चंद्रशेखर काळे हे सध्या वाघनगरमध्ये श्री दत्त मंदिरामागे राहत होते. मंगळवारी, (दि.२७) रात्री आठ वाजण्याच्या सुमारास घरी असताना झोक्यावर बसलेले होते. त्यावेळी त्यांचा अचानक तोल गेला व ते खाली पडले. त्यात त्यांच्या डोक्याला जबर मार लागला. त्यांना शासकीय वैद्यकीय महाविद्यालय व रुग्णालयात नेले असता डॉक्टरांनी मृत घोषित केले. काळे यांच्या पश्चात पत्नी, एक मुलगा, एक मुलगी असा परिवार आहे.
