जळगाव जिल्ह्यातील चाळीसगाव तालुक्याला अवकाळी पावसाचा फटका असून विजेच्या कडकडाट सह चाळीसगाव शहरासह तालुक्यातील काही भागात मुसळधार पाऊस झाल्याची माहिती समोर आली आहे. चाळीसगाव तालुक्यातील पाटणा, गणेशपूर, बेलदारवाडी, बाणगाव, शिंदी आणि ओढरे गावात गारपीट झाल्याची प्राथमिक माहिती मिळाली असून या अवकाळी पावसामुळे रब्बी पिकांचे मोठे नुकसान झाले आहे. यात सर्वाधिक गहू आणि हरभरा पिकाला फटका बसला आहे.
