भुसावळ : प्रतिनिधी
सार्वजनिक जागी धूम्रपान करणे कायद्याने गुन्हा असतानाही गांजा ओढणाऱ्या तिघांना बाजारपेठ पोलिसांनी अटक केली होती. त्यांची जामिनावर सुटका करण्यात आली. गुरुवारी सायंकाळी साडेपाच वाजता हिरा हॉलच्या बाजूला गांजा ओढणाऱ्या सलमान शेख सलीम शेख (२०, मुस्लीम कॉलनी, भुसावळ) यांच्याविरोधात हे.कॉ. भूषण चौधरी यांच्या फिर्यादीवरून कारवाई करण्यात आली.
मिळालेल्या माहितीनुसार, खडका रोडवरील ईदगाहनजीक युनूस हमीद शेख (४८, मुस्लीम कॉलनी, भुसावळ) हा गांजा ओढत असताना कॉन्स्टेबल अमर अढाळे यांनी कारवाई केली तर करीम नूर मोहम्मद शेख (५६, उस्मानिया मशिदीजवळ, भुसावळ) यास गांजा ओढताना हे.कॉ. जावेद हकीम शाह यांनी ताब्यात घेतले. याप्रकरणी तिघांविरुद्ध पोलिसात गुन्हा दाखल करण्यात आला आहे.
