भडगाव : प्रतिनिधी
तालुक्यातील भडगाव पेठ ते वाकदरम्यान दोन दुचाकींची धडक होऊन अपघात झाला. यात एक जण जागीच ठार, तर तीन जण जखमी झाले. जखमींवर धुळे येथे उपचार केले जात आहेत. बुधवारी दुपारी ३ वाजेच्या सुमारास हा अपघात झाला.
मिळालेल्या माहितीनुसार, प्रताप मोतीलाल परदेशी (४७ वडजी) हे बुधवारी दुपारी आपल्या दुचाकीने भडगावहून घरी वडजीला जात असताना शिंदी (भडगाव) येथील संजय हरी वाघ (३२), पत्नी शीतल वाघ (२७) व मुलगा धीरज वाघ (५) हे भडगावकडे येत होते. भडगाव पेठ ते वाकदरम्यान रस्त्यावरील वळणावर या दोन दुचाकींचा अपघात झाला, या अपघातात प्रताप परदेशी हे जागीच ठार झाले, संजय वाघ व मुलगा धीरज वाघ गंभीर जखमी झाल्याने त्यांना धुळे येथे हलविण्यात आले.
