धरणगाव : प्रतिनिधी
महाराष्ट्र सुवर्ण नगरोत्थान योजनेअंतर्गत धरणगाव शहरातील छत्रपती शिवाजी महाराज व डॉ. बाबासाहेब आंबेडकर यांच्या पुतळ्याच्या उभारणीसाठी शासनाकडून एक कोटी 34 लाख रुपयांचा निधी आज मंजूर केला आहे. पालकमंत्री गुलाबराव पाटील यांच्या पाठपुरावामुळे हा निधी मंजूर झालेला आहे.
धरणगाव शहरातील नगर परिषदेच्या हद्दीमध्ये छत्रपती शिवाजी महाराज यांच्या अश्वारूढ पुतळा उभारणीसाठी चौथार्‍याच्या कामासाठी 94 लाख 36 हजार रुपये हे मंजूर झालेले आहे. तर धरणगाव शहरातील नगरपरिषदेच्या हद्दीमधील रेल्वे उड्डाणपूल लगत नगरपालिकेच्या जागेत डॉक्टर बाबासाहेब आंबेडकर यांच्या पूर्णाकृती पुतळ्यासाठी शासनाकडून चाळीस लाख तेहतीस हजार निधी मंजूर आज केला आहे. त्यामुळे धरणगाव शहरातील सौंदर्यकरणात भर पडणार असून पालकमंत्री गुलाबराव पाटील यांच्या प्रयत्नातून छत्रपती शिवाजी महाराज व बाबासाहेब आंबेडकर यांच्या पुतळ्याच्या कामासाठी शासनाने एक कोटी 34 लाख रुपयांचा निधी दिला आहे.
