जळगाव : प्रतिनिधी
शहरातील आहुजा नगर परिसरात एक ६४ वर्षीय सेवानिवृत्त कर्मचारी विजय विठ्ठल बेहरे हे कोणालाही काहीही न सांगता घरातून बाहेर पडलेले यांना रेल्वेची धडक लागून त्यांचा मृत्यू झाला. ही घटना रविवारी सकाळच्या सुमारास उघडकीस आली. या प्रकरणी तालुका पोलीस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील आहुजनगर परिसरात विजय बेहेरे हे सेवानिवृत्त कर्मचारी वास्तव्यास होते. शनिवारी ते घरात कोणालाही काहीही न सांगता घरातून निघून गेले. आज सकाळच्या सुमारास असोदा रेल्वेगेट परिसरात त्यांना धावत्या रेल्वेची धडक लागून त्यांचा मृत्यू झाला. ही घटना तालुका पोलीस ठाण्याचे कर्मचारी ज्ञानेश्वर कोळी, हरीश शिंपी, विलास शिंदे यांनी तात्काळ घटनास्थळी धाव घेतली. त्यांनी पंचनामा करून त्यांनी विजय बेहरे यांचा मृतदेह जिल्हा शासकीय वैद्यकिय व महाविद्यालयात दाखल करण्यात आला. या प्रकरणी तालुका पोलीस ठाण्यात अकस्मात मृत्यूची नोंद करण्यात आली आहे. त्यांच्या पश्चात पत्नी, तीन मुली, मुलगा असा परिवार आहे.
रेल्वेच्या धडकेत वृद्धाचा मृत्यू झाल्याने सुरुवातीला त्यांची ओळख पटत नव्हती. पोलिसांनी त्यांची झडती घेतली असता, त्यांना विजय बेहेडे यांच्या खिशात डायरी मिळून आली. त्यातील मोबाईल क्रमांकावर पोलिसांनी संपर्क साधला असता तो त्यांच्या नातेवाईकांचा निघाला. त्यावरून विजय बेहेडे यांनी ओळख पटविण्यात पोलिसांना यश आले.
