जळगाव : प्रतिनिधी
जळगाव जिल्ह्यात अनेक शहरासह ग्रामीण भागातून अल्पवयीन मुली, तरुणी पळवून नेल्याच्या अनेक घटना समोर येत असतांना नुकतेच जळगाव शहरातील रामानंद पोलिस ठाण्याच्या हद्दीतील एका अल्पवयीन मुलीला त्याच परिसरातील एका मुलीने फूस लावून पळवून नेले. ही घटना ३१ जानेवारी रोजी उघडकीस आली. याप्रकरणी पळवून नेणाऱ्या तरुणीविरुद्ध रामानंद नगर पोलिस ठाण्यात गुन्हा दाखल करण्यात आला आहे.
१४ वर्षीय अल्पवयीन मुलीला एका तरुणीने सोबत घेत किराणा दुकानावर जाऊन येतो, असे सांगून सोबत नेले; परंतु ती घरी न परतल्याने अल्पवयीन मुलीच्या कुटुंबीयांनी तिचा परिसरात शोध घेतला. मात्र, ती न सापडल्याने रामानंदनगर पोलिस ठाण्यात फिर्याद दिली. पळवून नेणाऱ्या त्यावरून तरुणीविरुद्ध गुन्हा दाखल करण्यात आला आहे. पुढील तपास पोउनि गोपाल देशमुख करत आहेत.
