जळगाव : प्रतिनिधी
शहरातील एका परिसरात इमारतीला रंगकाम (पेटिंग) करत असताना पहिल्या मजल्यावरून तोल जाऊन खाली पडल्याने अजय राजकुमार यादव (२४, मूळ रा. प्रतापगड उत्तर प्रदेश, ह.मु. रामेश्वर कॉलनी, जळगाव) या तरुणाचा मृत्यू झाला. ही घटना बुधवार, ३१ जानेवारी रोजी घडली. याप्रकरणी तालुका पोलिस ठाण्यात अकस्मात मृत्यूची नोंद करण्यात आली.
मिळालेल्या महितिन्सुअर, अजय यादव हा तरुण अन्य दोन मित्रांसह गेल्या सहा महिन्यांपासून रामेश्वर कॉलनीत वास्तव्याला होता. तीनही मित्र इमारतीला रंगकाम करायचे बुधवार रोजी रोजी वाटिकाश्रम परिसरात एका इमारतीचे रंगकाम करण्यासाठी अजय यादव हा भिंतीवर उभा होता. पहिल्या मजल्यावरून त्याचा अचानक तोल गेल्याने तो खाली पडला व त्याच्या डोक्याला जबर मार लागला, त्याला सोबत काम करणाऱ्या सहकाऱ्यांनी शासकीय वैद्यकीय महाविद्यालय व रुग्णालयात दाखल केले. मात्र वैद्यकीय अधिकाऱ्यांनी मयत घोषित केले. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ अनिल फेगडे करत आहेत. मयताच्या पश्चात आई, वडील आणि तीन बहिणी असा परिवार आहे. तीन बहिणींचा एकच भाऊ होता.
