भुसावळ : प्रतिनिधी
वरणगाव पोलिस ठाणे हद्दीत असलेल्या करंजी गावात दहशत निर्माण करण्याच्या ईराद्याने अवैध लोखंडी तलवार बाळगणाऱ्या सरपंचासह एकास अटक केल्याची घटना शनिवार रोजी दुपारी घडल्याने वरणगाव पोलिसात भारतीय हत्यार प्रकरणी गुन्हा दाखल करण्यात आला आहे.
मिळालेल्या माहितीनुसार, बोदवड तालुक्यातील करंजी गावी गणेश सुरेश पाटील (वय २६) व सरपंच नंदुलाल पंढरी पाटील (वय २५) यांनी तलवार कुंटीमध्ये लपवून ठेवल्याची गोपणीय माहीती पोलिसांना मिळाली होती. सहाय्यक पोलिस निरिक्षक भरत चौधरी यांचे मार्गदर्शनाखाली उप पोलिस निरीक्षक परशुराम दळवी, पोहे कॉ प्रशात ठाकूर, प्रमोद कंखरे आदी पोलिसांनी करंजी गावी जाऊन गणेश पाटील यांचे जणावरांच्या वाडयात पोलिसांनी पाहणी केली असता. लोखंडी तलवार मिळून आली. दोघांना पोलिसांनी ताब्यात घेतले आहे. दोघा जणांच्या विरूध्द प्रशांत ठाकुर यांचे फिर्यादीवरून सीसीटीएनएस गुरंन. १६/२०२४ भारतीय हत्यार का. कलम ४/२५ प्रमाणे वरणगाव पोलिसात गुन्हा दाखल करण्यात आला आहे. पुढील तपास पोहे कॉ प्रमोद कंखरे करीत आहे.
