चाळीसगाव : प्रतिनिधी
क्रिकेट खेळण्याच्या वादातून झालेल्या हत्येच्या प्रकरणात पोलिसांनी तीन जणांना अटक केली आहे. त्यांना न्यायालयाने दि. २१ पर्यंत पोलिस कोठडी सुनावली, तर उर्वरित आरोपींच्या शोधासाठी पोलिस पथके रवाना झाली आहेत. अटकेतील आरोपींमध्ये सौरभ अण्णा कोळी (३२), वसंत राजू बच्छाव (४०) व चित्रा ऊर्फ जयश्री कैलास मोरे (४२) यांचा समावेश आहे.
दरम्यान, सोमवारी दुपारी १२ वाजता मयत शुभम आगोणे यांच्यावर अत्यंत शोकाकुल वातावरणात अंत्यसंस्कार करण्यात आला. यातील फरार आरोपींमध्ये माजी नगरसेवक आनंदा चिंधा कोळी, सिद्धांत अण्णा कोळी, जय कैलास मोरे, पृथ्वी कुमावत यासह ३ ते ४ अनोळखी इसम (सर्व रा. चाळीसगाव) यांच्या विरुद्ध चाळीसगाव शहर पोलिस खुनाचा गुन्हा दाखल झाला असून, या सर्व आरोपींचा शोधा पोलिस घेत आहेत. १५ रोजी सायंकाळी पाटणादेवी रोडवर झालेल्या या घटनेत फिर्यादी आनंद शिवाजी आगोणे हे जखमी झाले असून, त्यांना उपचारासाठी रुग्णालयात दाखल करण्यात आले आहे. पुढील तपास पोलिस निरीक्षक संदीप पाटील यांच्या मार्गदर्शनाखाली सहायक पोलिस निरीक्षक सागर ढिकले करीत आहे.
