नांदेड : वृत्तसंस्था
राज्यातील नांदेड जिल्ह्यातून एक भीषण अपघाताची बातमी समोर आली आहे. सकाळी मॉर्निंग वॉक करणाऱ्या २ विद्यार्थ्यांचा अज्ञात वाहनाच्या धडकेत अपघाती मृत्यू झाला आहे. हि घटना नांदेडच्या भोकर तालुक्यात घडली आहे. मुंबई-निर्मल राष्ट्रीय महामार्गावर हा अपघात झाला आहे. शुक्रवारी सकाळी ५ वाजताच्या सुमारास ही घटना घडली आहे.
नांदेडच्या भोकर तालुक्यातील भोसी येथे अज्ञात वाहनाची धडक मॉर्निंग वॉक करणाऱ्या २ विद्यार्थ्यांना बसली. या धडकेत दोन्ही शेतकरी कुटुंबातील विद्यार्थ्यांचा मृत्यू झाला. या अपघातानंतर घटनास्थळी एकच गर्दी झाली. दोन्ही विद्यार्थ्यांच्या मृत्यूने त्यांच्या कुटुंबावर दु:खाचा डोंगर कोसळला आहे.
