चाळीसगाव : प्रतीनिधी
प्रेमसंबंध असलेल्या तरुणाशी लग्न करून देण्याची मागणी करणाऱ्या मुलीला अल्पवयीन असल्याने वडिलांनी नकार दिला, मात्र त्यानंतरही पळून जाणाऱ्या मुलीसह तरुणाला पोलिसांनी चाळीसगाव तालुक्यातील तामसवाडी येथून अटक केली आहे. पळून गेल्यानंतर मुलीवर अत्याचार केल्याप्रकरणी लक्ष्मण आण्णा मोरे (१९, रा. तामसवाडी, ता. चाळीसगाव) याला ७ जानेवारी रोजी मेहुणबारे पोलिसांनी अटक केली असून त्याला सोमवार, ८ जानेवारी रोजी दोन दिवसांची पोलिस कोठडी सुनावण्यात आली.
मिळालेल्या माहितीनुसार, चाळीसगाव तालुक्यातील एका गावातील एक १६ वर्षीय मुलगी व तामसवाडी येथील लक्ष्मण मोरे यांचे प्रेम जुळले होते. त्यामुळे मुलीने तिच्या वडिलांकडे लग्न लावून देण्याची मागणी केली. मात्र अल्पवयीन असल्याने वडिलांनी नकार दिला, त्या वेळी दोघांनी पळून जावून लग्न करण्याचा निर्णय घेतला. दोघांना मेहुणबारे पोलिसांनी तामसवाडी येथून ७ जानेवारी रोजी अटक केली. या प्रकरणात मुलीच्या जबाबावरून बलात्कार, पोस्को कलम वाढविण्यात आले. आरोपीला दरम्यान, न्यायालयासमोर सोमवारी हजर करण्यात आले.
