जळगाव : प्रतिनिधी
मेहरुण परिसरातील रामनगर भागातून ट्रक चोरून पसार झालेल्या समीर नसीर खान उर्फ पठाण (४१, रा. पडेगाव, छावणी, छत्रपती संभाजीनगर) याला एमआयडीसी पोलिसांनी अटक केली. त्याला न्यायालयात हजर केले असता न्या. एम.एम. बढे यांनी 9 दिवस पोलिस कोठडी सुनावली.
मिळालेल्या माहितीनुसार, जळगाव शहरातील रामनगर भागातील एका रुग्णालयासमोरून ८ सप्टेंबर २०२२ रोजी जावेद लतिफ पटेल (रा. रामनगर) यांच्या मालकीची ट्रक (क्र. एमएच १९, सीवाय ४८४६) चोरीला गेली होती, मीरा भाईंदर पोलिस आयुक्तालयाच्या काशिमीरा गुन्हे शाखेने समीर नसीर खानकडून ही ट्रक जप्त केली. त्यानंतर जळगाव एमआयडीसी पोलिस ठाण्याचे पोलिस निरीक्षक जयपाल हिरे यांच्या मार्गदर्शनाखाली सहाय्यक फौजदार अतुल वंजारी, छगन तायडे, राहुल रगडे, सचिन पाटील, योगेश बारी, साईनाथ मुंढे यांनी समीर खान याला अटक केली. त्याला न्यायालयात हजर केले असता पोलिस कोठडी सुनावण्यात आली.
