जळगाव : प्रतिनिधी
शहरातील एका परिसरात दोन गुन्हेगार धारदार शस्त्र घेऊन दहशत माजवीज असल्याची माहिती मिळाल्यावरून पोलिसांनी धाव घेत एकाला अटक केली. दुसरा फरार झाला आहे.एमआयडीसी पोलीस ठाण्यात या प्रकरणी गुन्हा दाखल करण्यात आला आहे.
मिळालेल्या माहितीनुसार, शहरातील तांबापुरा परिसरात धारधार चॉपर घेऊन दोन जण दहशत माजवीत असल्याची माहिती माहिती एमआयडीसी पोलिसांना मिळाली होती. निरीक्षण जयपाल हिरे यांच्या पथकातील ललित नारखेडे व इतर कर्मचाऱ्यांनी धाव घेत तांबापुरा गाठले. रईस शेख रशीद (वय ३२, रा.तांबापुरा) व शोएब शेख सलीम (रा. जुम्मा शाहा वखारजवळ मेहरुण) असे दोघेही पोलिसांना पाहून पळू लागले. त्यापैकी रईस शेख रशीद हा पोलिसांच्या तावडीत सापडला तर त्याचा साथीदार पळून जाण्यास यशस्वी ठरला. पोलिसांना रईसकडे चॉपर आढळून आले. पोलीस नाईक ललित नारखेडे यांच्या तक्रारीवरून दोघं संशयितांविरुद्ध गुन्हा दाखल करण्यात आला. सहाय्यक फौजदार अतुल वंजारी तपास करीत आहेत.
