पाचोरा : प्रतिनिधी
तालुक्यातील नगरदेवळा येथून जवळच असलेल्या बदरखे येथे सालाबादप्रमाणे पेमबुवा महाराजाच्या यात्रेनिमित्त तमाशाचा कार्यक्रम सुरू असताना छत्रपती संभाजीनगर जिल्ह्यातील हनुमंतखेडा येथील मनोज ज्ञानेश्वर निकम (३०) हा तरुण रविवारी काही अंतरावर मृतावस्थेत आढळून आला.
मिळालेल्या माहितीनुसार, तरुणाच्या मृत्यूची माहिती मृताचे काका नंदकिशोर पाटील यांनी नगरदेवळा दूरक्षेत्राला दिली असता लागलीच नगरदेवळा पोलिस स्टेशनचे पोउनि योगेश गणगे, सहाय्यक फौजदार कैलास पाटील व मनोहर पाटील, अमोल पाटील, दिनेश पाटील आदींनी तातडीने घटनास्थळी जाऊन पंचनामा केला. मृतदेह पाचोरा ग्रामीण रुग्णालय येथे शवविच्छेदनासाठी पाठवला. तरुणाच्या शरीरावर काही ठिकाणी मार लागल्याचे आढळून आल्यामुळे हा मृतदेह जळगाव शासकीय रुग्णालय येथे पाठवल्याची माहिती मिळाली. तपास पोलिस उपनिरीक्षक योगेश गणगे करत आहेत. परंतु तरुणाच्या मृत्यूचे कारण अजून स्पष्ट झाले नाही
