मुंबई : वृत्तसंस्था
राज्यातील मुंबई पोलीस दलातून एक दुर्देवी बातमी समोर आली आहे. मुंबई पोलीस दलातील कर्मचाऱ्याचा ड्युटीवरुन घरी जात असताना मांजाने गळा चिरुन पोलीस अंमलदाराचा मृत्यू झाला आहे. समीर जाधव असं मृत पोलीस अंमलदाराचं नाव आहे.
मिळालेल्या माहितीनुसार, दिंडोशी पोलीस ठाण्यात कार्यरत असलेले समीर जाधव हे नियमितपणे ते रविवारी देखील आपलं कर्तव्य बजावून घरी निघाले होते. बाईकवरुन जात असताना मांजाने गळा चिरुन ते गंभीर जखमी झाले होते. वाकोला ब्रिज येथे हा प्रकार घडला होता.
समीर यांना जखमी अवस्थेत सायन रूग्णालयात दाखल करण्यात आले होते. मात्र उपचारादरम्यान त्यांचा मृत्यू झाला. समीर यांच्या मृत्यूने त्यांच्या कुटुंबियांना दु:खाचा डोंगर कोसळला आहे. तर पोलीस दलावरही शोककळा पसरली आहे. मांजाला धार आणण्यासाठी काच आणि लोखंडाच्या किसाचा सर्रास वापर केला जातो. जे अनेकदा लोकांच्या जीवावर बेततं. मांजा बनवण्यासाठी काच आणि लोखंडाच्या किसाचा वापर करणाऱ्यांवर कठोर कारवाई करण्याचे आदेश मुंबई पोलिसांनी काढले.
