जळगाव : प्रतिनिधी
जळगाव शहरातील इच्छापूर्ती गणेश मंदिराबाहेर दि.२२ डिसेंबर रोजी तालुक्यातील एका तरुणाने शाळेत सोबत असल्याने परिचय असलेल्या एका तरुणीने त्याला लग्नास नकार दिल्याने याने तिला शिवीगाळ करीत मारहाण करीत जिवे ठार मारण्याची धमकी दिली. या प्रकरणी जिल्हापेठ पोलिस ठाण्यात तरुणाविरुद्ध अदखलपात्र गुन्ह्याची नोंद करण्यात आली आहे.
मिळालेल्या माहितीनुसार, तालुक्यातील एका गावातील मुलगी संशयित आरोपीच्या शाळेत सोबत होते. त्यामुळे त्यांचा परिचय होता. ही तरुणी २२ डिसेंबर रोजी शहरात आलेली असताना तेथे हा तरुण आला व त्याने तू माझ्याशी लग्न कर, असे सांगितले. तरुणीने त्यास नकार दिला असता तरुणाने तिला शिवीगाळ करीत मारहाण केली. तसेच जीवे ठार मारण्याची धमकी दिली. तपास पोहेकॉ जितेंद्र सुरवाडे करीत आहेत.
