जळगाव : प्रतिनिधी
भुसावळ तालुक्यातील नशिराबाद गावाजवळील पाटील नर्सरीच्या पुढे मुंजोबा मंदिराजवळ कारच्या धडकेत दुचाकीस्वार ठार झाल्याची घटना १४ डिसेंबर रोजी रात्री १० वाजता घडली होती. या घटनेबाबत दि.२० डिसेंबर रोजी सायंकाळी ७ वाजता अज्ञात कार चालकाविरोधात नशिराबाद पोलिस ठाण्यात गुन्हा दाखल करण्यात आला आहे. धनराज जगन ठाकूर (वय-३५, रा. दीनदयाल नगर भुसावळ) असे मयत झालेल्या तरुणाचे नाव आहे.
मिळालेल्या माहितीनुसार, जळगाव ते नशिराबाद रोड दरम्यान असलेल्या मुंजोबा मंदिराजवळ भरधाव कार क्रमांक (एमएच ४७ एबी ७४९) दुचाकी क्रमांक (एमएच१९ सीसी ५६६०) याला जोरदार धडक दिल्याची घटना दि.१४ डिसेंबर रोजी रात्री १० वाजता घडली होती. या अपघातात दुचाकीस्वार धनराज ठाकूर या तरुणाचा मृत्यू झाला होता. या अपघातप्रकरणी दि.२० डिसेंबर रोजी सायंकाळी ७ वाजता कारवरील अज्ञात चालकाविरोधात नशिराबाद पोलिस ठाण्यात गुन्हा दाखल करण्यात आला आहे.
