धरणगाव : प्रतिनिधी
जळगाव – धरणगाव रस्त्यावर पिंप्री गावानजीक मालवाहतूक गाडी व दुचाकीचा भीषण अपघात दि.२१ डिसेंबर रोजी दुपारी १२ ते १ वाजेच्या सुमारास हॉटेल सायली जवळ झाला. या अपघातात दुचाकीस्वार जागीच ठार झाला आहे.
मिळालेल्या माहितीनुसार, जळगाव – धरणगाव रस्त्यावर पिंप्री गावानजीक सतखेडा गावातील रहिवासी मधुकर बाबुराव चावडा (वय ६५) हे दि. २१ डिसेंबर रोजी दुपारी १२ वाजेच्या सुमारास पेट्रोल भरण्यासाठी जात असतांना हॉटेल सायलीनजीक समोरून येणाऱ्या मालवाहू चारचाकी रिक्षाने दिलेल्या धडकेत त्यांचा जागीच मृत्यू झाला. रस्त्यावरील काही नागरिकांनी अपघातात जखमी असलेल्या वृद्धाला रुग्णालयात दाखल करण्यासाठी जात असताना वृद्धाचा मृत्यू झाल्याचे समजते.
