विटनेर : प्रवीण पाटील
जळगाव तालुक्यातील नेरी – म्हसावद रस्त्यावर एका केमिकल ट्रंकने रस्त्यावरून जाणाऱ्या म्हशीसह एकाला उडविल्याची धक्कादायक घटना घडली आहे. या भीषण अपघातात एक व्यक्ती व एक म्हैस जागीच ठार झाले असून एक म्हैस गंभीर जखमी झाले आहे. हि घटना घडल्यानंतर गावातील नागरिकांनी रस्त्यावर ठिय्या दिल्याने सुमारे तीन तास ट्राफिक जाम झाली होती.
मिळालेल्या माहितीनुसार, जळगाव तालुक्यातील नेरी – म्हसावद रस्त्यावर विटनेर या गावात अनेक शेतकरी व पशुपालक राहतात, आज दि.१९ रोजी दुपारच्या सुमारास म्हशी चारवून घरी येत असतांना भरदुपारी नेरी – म्हसावद रस्त्यावर केमिकल ट्रंक (जी.जे.१२.बी.व्ही.७४७५) ने भरधाव येत रस्त्याने जाणाऱ्या म्हशीसह सुका पंडित सोनवणे यांना जबर धडक दिल्याने त्यांचा जागीच मृत्यू झाला आहे. तर एक म्हैस गंभीर जखमी आहे. या घटनेची माहिती गावासह परिसरात वाऱ्याच्या वेगात पसरल्यानंतर परिसरातील नागरिकांनी सुमारे तीन तास रस्त्यावर ठिय्या दिल्याने रस्त्यावर मोठी ट्राफिक जाम झाली होती. या रस्त्यावर नेहमीच असे छोटे मोठे अपघात होत असल्याने नागरिक आक्रमक झाले असून मृतदेह ताब्यात घेण्यास नकार देत आहे. शेवटचे वृत्त हाती आले तोपर्यत यावर कुठलाही मार्ग निघालेला नव्हता तर घटनास्थळी एमआयडीसी पोलीस स्थानका कर्मचारी दाखल होत असल्याचे देखील समजत होते.
