लातूर : वृत्तसंस्था
गेल्या काही वर्षापासून राज्यातील महामार्गावर नियमित अपघाताच्या घटना घडत असतांना नुकतेच आज सोमवार रोजी लातूर शहरात सकाळच्या सुमारास झालेल्या खासगी बस आणि दुचाकीच्या झालेल्या अपघातात एक महाविद्यालयीन विद्यार्थिनी जागीच ठार झाली. या अपघातात एक युवक गंभीररित्या जखमी झाला आहे. घटनास्थळी नागरिकांची माेठ्या संख्येने गर्दी जमली हाेती.
मिळालेली माहिती अशी कि, लातूर शहरातील सम्राट चौकात आज सकाळी आठ वाजता खासगी बस आणि दुचाकीची समोरासमोर धडक झाली. हा अपघात घडताच काही नागरिकांनी घटनास्थळी धाव घेतली. या अपघातामधील दुचाकीचा पुढचा भागाचे माठे नुकसान झाले हाेते.
दरम्यान या अपघातात एक महाविद्यालयीन विद्यार्थिनी जागीच मृत्यू झाला. अन्य एक युवक गंभीररित्या जखमी झाला आहे. या युवकास उपचारासाठी रुग्णालयात पाठवण्यात आले. या अपघातामुळे सम्राट चाैकातील वाहतुक काही काळ विस्कळीत झाली हाेती.
