मुंबई : वृत्तसंस्था
अभिषेक आणि ऐश्वर्याची मुलगी आराध्या धीरूभाई अंबानी स्कूलमध्ये शिकत असून याच शाळेच्या वार्षिक दिनाच्या कार्यक्रम दि.१५ डिसेंबर शुक्रवारी होता या कार्यक्रमात अभिषेक बच्चन आणि ऐश्वर्या राय वेगळ्या कारमधून येताना दिसले. वेगवेगळ्या कारमधून येणा-या कपलला पाहून अभिषेक आणि ऐश्वर्याच्या विभक्त झाल्याची बातमी पुन्हा एकदा चर्चेत आली आहे.
वृत्तांवर विश्वास ठेवला तर, ऐश्वर्या आता अभिषेक आणि त्याच्या कुटुंबासोबत राहत नाही. ती त्यांच्यापासून वेगळी तिच्या आई-वडिलांच्या घरी राहते. काही दिवसांपूर्वी अमिताभ बच्चन यांनीही ऐश्वर्याला त्यांच्या सोशल मीडिया अकाउंटवरून अनफॉलो केले होते. ऐश्वर्या इंस्टाग्रामवर अभिषेक बच्चनशिवाय इतर कोणालाही फॉलो करत नाही. अशा परिस्थितीत बच्चन कुटुंबात सर्व काही ठीक नसल्याचा अंदाज वर्तवला जात आहे.
मात्र या प्रकरणी अभिषेक आणि ऐश्वर्या यांनी अद्याप काहीही सांगितलेले नाही. ऐश्वर्याने काळ्या आणि सोनेरी रंगाचा सलवार सूट परिधान केला होता. गाडीतून खाली उतरताच ती कुणाला तरी नमस्कार करताना दिसली. त्याच्यापाठोपाठ अभिषेक बच्चनही वेगळ्या कारमधून येताना दिसला. दोघांचा हा व्हिडिओ सोशल मीडियावर ट्रोल होत आहे. एका यूजरने लिहिले- या अफवा पसरवणे थांबवा.
