जळगाव : प्रतिनिधी
शहरातील अनेक ठिकाणी नेहमीच छोटे मोठे अपघात होत असतांना नुकतेच दुचाकीने घराकडे निघालेल्या दुचाकीस्वार महिलेला भरधाव ट्रॅक्टरने धडक दिल्यामुळे रत्ना छगन वाडेकर (वय ५५, रा. सिंधी कॉलनी) या जखमी झाल्या. या प्रकरणी रामानंद नगर पोलिस ठाण्यात ट्रॅक्टर चालकाविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील सिंधी कॉलनी परिसरात रत्ना वाडेकर या वास्तव्यास आहे. त्या आपल्या दुचाकीने ( एमएच १९, एपी ३२५२) ने घरी जाण्यासाठी निघाल्या. काव्यरत्नावली चौकाकडून आकाशवाणी चौकाकडे येताना भरधाव ट्रॅक्टरने त्यांच्या दुचाकीला धडक दिली. त्यात महिलेला रस्त्यावर कोसळून त्या गंभीर जखमी झाल्या. याप्रकरणी त्यांनी दिलेल्या तक्रारीवरुन रामानंद नगर पोलीस ठाण्यात गुन्हा दाखल करण्यात आला आहे. पुढील तपास पोहेकॉ प्रवीण जगदाळे करीत आहेत
