चोपडा : प्रतिनिधी
तालुक्यातील एका गावातील ७ वर्षीय मुलीचा विनयभंग ५७ वर्षीय व्यक्तीनेकेल्याची घटना घडली. या घटनेने परिसरात संतापाची भावना निर्माण झाली. चोपडा ग्रामीण पोलिसांनी आरोपीला अटक केली आहे.
मिळालेल्या माहितीनुसार, चोपडा तालुक्यातील एका गावात मुलीचे आई-वडील शेतात ऊसतोड करण्यासाठी गेले असताना अशोक देवराम पाटील (वय ५७) हा त्यांच्या घरी गेला. तिथे त्याने ७ वर्षीय मुलीशी अश्लिल कृत्य करत तिचा विनयभंग केल्याची घटना घडली. घडलेली घटना पीडित मुलीने घराबाहेर येऊन मोठ्या बहिणीला सांगितले असता मोठ्या बहिणीने मुलीच्या आई वडिलांना ती गोष्ट सांगितली. त्यावरुन मुलीच्या वडीलांच्या फिर्यादीवरून चोपडा ग्रामीण पोलीस ठाण्यात अशोक पाटील याच्या विरोधात पोस्को, अॅट्रासिटी कायद्या अंतर्गत व कलम ३५४ नुसार विनयभंगचा गुन्हा दाखल करण्यात आला आहे. आरोपीला पोलिसांनी ताब्यात घेतले असून पुढील तपास उपविभागीय पोलीस अधिकारी सुनील नंदवाळकर हे करीत आहेत.
