जळगाव : प्रतिनिधी
नागपूर-हावडा रेल्वे मार्गावरील कन्हान रेल्वेस्थानकावर तिसरा रेल्वे मार्ग टाकण्यात येत आहे. यासाठी दक्षिण पूर्व मध्य रेल्वेकडून नॉन इंटरलॉकिंगचे काम सुरू आहे. या कामासाठी ब्लॉक घेण्यात येणार आहे. यासाठी दहा रेल्वे गाड्या रद्द करण्यात आल्या आहेत.
रद्द करण्यात आलेल्या गाड्यांमध्ये भुसावळकडून धावणाऱ्या एलटीटी हटिया एक्स्प्रेसचाही समावेश आहे.क्र. २२९०६ शालिमार-ओखा एक्स्प्रेस १२ डिसेंबर, क्र. १२८११ एलटीटी-हटिया एक्स्प्रेस ११ डिसेंबर रोजी, तर क्र. १३४२५ मालदा टाउन- सुरत एक्स्प्रेस १२ डिसेंबर रोजी रद्द असेल. क्र. १३४२६ सुरत-मालदा टाउन एक्स्प्रेस ११ डिसेंबर, तर क्र. १२९०१ एलटीटी- शालिमार एक्स्प्रेस ११ व १२ डिसेंबर रोजी, क्र.१२९०२ शालिमार-एलटीटी एक्स्प्रेस ११, १३ व १४ डिसेंबर रोजी रद्द असेल.
क्र. २०८२३ पुरी-अजमेर एक्स्प्रेस ११ डिसेंबर, क्र. २०८२४ अजमेर-पुरी एक्स्प्रेस १२ व १४ डिसेंबर रोजी, क्र. २०८२१ पुणे संत्रागाची हमसफर एक्स्प्रेस ११ डिसेंबर रोजी रद्द करण्यात आली आहे.
