अमळनेर : प्रतिनिधी
भावाला मारून टाकण्याच्या धमक्या देत अल्पवयीन मुलीचा विनयभंग केल्याची घटना अमळनेर शहरात घडली. या आरोपीविरुद्ध पोस्को कायद्यानुसार गुन्हा दाखल झाला आहे.
मिळालेल्या माहितीनुसार, गेल्या दोन महिन्यांपासून संशयित आरोपी हा अल्पवयीन मुलीचा पाठलाग करत असे. ही मुलगी क्लाससाठी जात असताना ‘फोन करत जा; नाहीतर तुझ्या लहान भावाला मारून टाकीन’, अशी धमकी देत असे. दि. ७ डिसेंबर रोजी त्याने भावाच्या मोबाइलवर फोन करून ‘मला भेटायला ये’, असे सांगितले. घडलेला प्रकार मुलीने आपल्या आईला सांगितल्याने त्या दोघांनी तडक पोलिस स्टेशन गाठले. अल्पवयीन मुलीच्या फिर्यादीवरून गुन्ह्याची नोंद करण्यात आली आहे.
