मुक्ताईनगर : प्रतिनिधी
कंटेनरमधून निर्दयतेने ५४ म्हशींचे पारडू (हेला) कोंबून नेताना तालुक्यातील डोलारखेडा फाट्याजवळ एक टँकर मुक्ताईनगर तालुका गोरक्षकांनी बुधवारी दि.६ दुपारी पोलिसांना पकडून दिला. याप्रकरणी दोन आरोपींना अटक केली आहे. एक दिवसाची पोलिस कोठडी त्यांना दिली आहे.
मिळालेल्या माहितीनुसार, तालुक्यातील डोलारखेडा फाट्याजवळून दुपारी बारा वाजेच्या दरम्यान कंटेनर (आरजे ११- जीबी ९४८७) जात असताना गोरक्षक कार्यकर्त्यांनी कंटेनर थांबवून त्यामध्ये काय आहे, याची पाहणी केली. तेव्हा कंटेनरमध्ये सुमारे दोन वर्ष वयाचे ५४ म्हशीचे पारडू कोंबून घेऊन जाताना आढळले. कुठल्याही प्रकारचा वाहतुकीचा परवानाही नव्हता पोलिसांनी हे दोन लाख ७० हजार रुपये किमतीचे म्हशींचे ५४ पारडू व दहा लाख रुपये किमतीचा कंटेनर असा १२ लाख ७० हजारांचा मुद्देमाल हस्तगत केला आहे. पारडूंना तालुक्यातील हरताळा येथील गोशाळेत दाखल केले आहे. पो. कॉ. राहुल बेहेनवाल यांच्या फिर्यादीवरून आरोपी मोहम्मद अहसाल मोहम्मद अब्दुल गफार (रा. फिरोजपूर, जि. मेवाल, हरयाणा) आणि आजम खान अब्दुल हमीद (रा. बुरारखा, जि. मेवाल, हरयाणा) यांच्याविरुद्ध प्राण्यांना निर्दयीपणे वाहून नेल्याप्रकरणी गुन्हा दाखल केला आहे. पुढील तपास पो. नि. नागेश मोहिते यांच्या मार्गदर्शनाखाली पोलिस नाईक विजय पढार करीत आहेत.
