रावेर : प्रतिनिधी
छातीत दुखू लागल्याने अटवाडे येथील वृद्धेला खासगी डॉक्टराकडे नेत असतना अटवाडे-रावेर बसमध्ये मृत्यू झाला. ही घटना मंगळवारी सकाळी साडे दहा वाजेच्या सुमारास घडली. मृत महिलेचे नाव केशरबाई मधुकर कोळी (६५) असे आहे.
अजनाड येथील मधुकर निंबा कोळी (७१) यांच्या पत्नी केशरबाई कोळी त्यांना छातीत दुखू लागले. खानापूर येथे खासगी डॉक्टरांकडे औषधोपचारासाठी आले असता त्यांना डॉक्टर उपलब्ध झाले नाहीत. रावेरला घेऊन जाण्यासाठी अटवाडे रावेर बसमध्ये बसले. भोकरीजवळ त्यांना हृदयविकाराचा तीव्र झटका आला. बसचालक व्ही. वाय. ढेकळे व वाहक ए. एस. तडवी यांनी प्रवाशांना उतरवून वाहतूक निरीक्षक जयंत चोपडे यांना सोबत घेऊन बस थेट रावेर ग्रामीण रूग्णालयात नेली. वैद्यकीय अधीक्षक डॉ. एन. डी. महाजन यांनी तपासणी करून मृत घोषित केले. याप्रकरणी रावेर पोलिसात अकस्मात मृत्यूची नोंद करण्यात आली आहे.
