अमरावती : वृत्तसंस्था
भरदिवसा सुवर्ण व्यावसायिक असलेल्या इसमाच्या घरात घुसून त्याची निर्घृणपणे हत्या केल्याची धक्कादायक अमरावती जिल्ह्यातील तिवसा येथे घडली आहे. घरातून तब्बल ७४ लाख रुपयांचे दागिने घेऊन चोरटे पसार होण्यात यशस्वी झाले आहे. या घटनेचा पोलीस तपस करत आहेत.
मिळालेल्या माहितीनुसार, अमरावती जिल्ह्यातील तिवसा येथे भरदिवसा संजय मांडळे (वय ५४) हे आपल्या राहत्या घरी असतांना घरी कोणी नसतांना अज्ञात चोरट्याने घरात शिरून धारधार शस्त्राने मांडळे यांच्यावर वार केले. यात त्यांचा जागीच मृत्यू झाला. यानंतर घरातून ७४ लाखाचा मुद्देमाल चोरून नेला. या घटनेची माहिती पोलीसांना मिळाल्यानंतर घटनास्थळी येऊन पंचनामा केला.
सुवर्णकाराच्या घरात घुसून त्याची निर्घृणपणे हत्या करून अज्ञात आरोपिंनी सोने, चांदी व नगदी रोख रक्कमसह तब्बल ७४ लाखाचा ऐवज लंपास केल्याची धक्कादायक घटना घडली, तिवसा पोलिसांनी खुणासह चोरीचा गुन्हा केला. दरम्यान घटनास्थळी डॉग पथकासह जिल्हा पोलीस अधीक्षकांनी भेट देऊन तपास सुरू केला. मात्र २४ तास घटनेला उलटूनही आरोपी अद्यापही फरार आहे.
