जळगाव प्रतिनिधी । बांभोरी पुलाजवळ सकाळच्या घटनेनंतर आज दुपारी पुन्हा त्याच ठिकाणी कंटेनर अडकल्याने गेल्या दोन तासांपासून वाहतूकीचा खोळंबा झाला आहे. यावेळी दोन्ही बाजूची वाहतूक पुन्हा थप्प झाली असून वाहनधारकांना मनस्ताप करावा लागत आहे.
जळगाव येथून जवळ आलेल्या बांभोरी पुलाजवळ आज सकाळी १२ वाजेच्या सुमारास वाळूचे ट्रक्टरचे चाक निखळल्याने राष्ट्रीय महामार्गावर ट्रक्टर बंद पडले होते. यावेळी अर्धा तास दोन्ही बाजूने असलेली वाहतूक थप्प झाली होती. शहर वाहतूक शाखा आणि तालुका पोलीस कर्मचारी यांनी घटनास्थळी धाव घेवून ट्रक्टर बाजूल करून रस्ता मोकळा केला होता. ही घटना घडल्यानंतर पुन्हा दुपारी ४ वाजेच्या सुमारास हॉटेल मराठा मटन समोर महामार्गावर पुन्हा कंटेनर अडकले होते. त्यामुळे गेल्या एक तासापासून वाहतूकीचा खोळंबा झाला. यावेळी जळगाहून मुंबईकडे जाणारी रूग्णावाहिका अडकून होती. नागरीकांच्या मदतीने रूग्णवाहिका माघारी फिरून दुसऱ्या मार्गाने मुंबईकडे रवाना झाली. परंतू वारंवार होणाऱ्या घटनामुळे वाहनधारकांना चांगलाच मनस्ताप सहन करावा लागत आहे.
