जळगाव : प्रतिनिधी
ग्रामपंचायत निवडणूकीत पराभव झाल्याच्या रागातून विनोद रघूनाथ सुर्यवंशी यांनी महिलेला अश्लिल शिवीगाळ केली. ही घटना दि. ८ रोजी सकाळच्या सुमारास जळगाव तालुक्यातील अमोदा गावात घडली. याप्रकरणी तालुका पोलीसात गुन्हा दाखल करण्यात आला आहे.
मिळालेल्या माहितीनुसार, जळगाव तालुक्यातील अमोदा गावात कल्पनाबाई सुभाष सुर्यवंशी या वात्तस्तव्यास आहेत. त्यांच्या गावात राहणारे विनोद सुर्यवंशी हे ग्रामपंचायत निवडणूक लढवली होती. परंतु निवडणुकीत त्यांचा पराभव झाल्याने दि. ८ रोजी सकाळी साडेनऊ वाजेच्या सुमारास ते कल्पनाबाई यांच्या घराजवळ आले. त्यांनी त्यांना माझा ग्रामपंचायत निवडणूकीत तुझ्यामुळे पराभव झालेला आहे. त्यामुळे त्यांनी महिलेला अश्लिल शिवीगाळ केली. तसेच मी तुला जिवंत सोडणार नाही आणि तुझ्या नवऱ्याचा घात केल्याशिवाय राहणार नाही अधी धमकी देखील दिली. दरम्यान, घाबरलेल्या अवस्थेत असलेल्या कल्पनाबाई यांनी लागलीच तालुका पोलिसात तक्रार दिली. त्यांच्या तक्रारीवरुन संशयित विनोद सुर्यवंशी यांच्याविरुद्ध गुन्हा दाखल करण्यात आला आहे.
