नवी दिल्ली : वृत्तसंस्था
देशभरातील अनेक अल्पवयीन मुलीवर अत्याचाराच्या घटना घडत असतांना एक धक्कादायक घटना समोर आली आहे. एका सरकारी शाळेतील ६० विद्यार्थिनींसोबत विनयभंग आणि अश्लील कृत्य केल्याप्रकरणी मुख्याध्यापकाला अटक केल्याचा प्रकार हरियाणा येथे घडला आहे. पोलिसांनी आरोपी मुख्याध्यापक करतार सिंग याला जिंद जिल्ह्यातील उचाणा येथून ताब्यात घेतले. विद्यार्थिनींच्या तक्रारीवरून पोलिसांनी मुख्याध्यापकाविरुद्ध पोक्सो कायद्यांतर्गत गुन्हा दाखल केला आहे.
यासंदर्भात, पीडित विद्यार्थिनींशी बोलल्यानंतर, हरियाणा राज्य महिला आयोगाच्या अध्यक्षा रेणू भाटिया यांनी डीजीपी शत्रूजित कपूर यांना पत्र लिहून आरोपी मुख्याध्यापकाला २४ तासांत अटक करण्याचे निर्देश दिले होते. याआधी विद्यार्थिनींनी राष्ट्रपती हरियाणाचे राज्यपाल बंडारू दत्तात्रेय आणि शिक्षणमंत्री कंवरपाल यांच्याकडे तक्रार केली होती. शिक्षण विभागाने आरोपी मुख्याध्यापकाला निलंबित केले.
