राजस्थानमधून एक धक्कादायक बातमी समोर आली आहे. राजस्थानमधील हनुमानगढ मध्ये कार आणि ट्रकची समोरासमोर धडक झाली या अपघातात एकाच कुटुंबातील सात जणांचा मृत्यू झाल्याची घटना घडली आहे. तसेच या अपघातात दोन जण गंभीर जखमी झाले आहेत. जखमींना उपचारांसाठी रुग्णालयात दाखल करण्यात आले आहे.
याबाबत सविस्तर माहिती अशी कि, हनुमानगढच्या टाऊन पोलिस स्टेशन हद्दीतील नोरंगदेसरजवळ शनिवारी संध्याकाळी कार आणि ट्रकमध्ये जोरदार टक्कर झाली. या भीषण अपघातात कारमधील 7 जणांचा मृत्यू झाला असून दोन जण गंभीर जखमी झाले आहेत. जखमींना तातडीने रुग्णालयात हलवण्यात आले असून त्यांच्यावर उपचार सुरु आहेत.
