आजकाल अपघाताचे प्रमाण वाढले असून अपघातात मृत होणाऱ्यांची संख्या सुद्धा वाढली आहे. अशातच कसारा घाटात बुधवारी रात्रीच्या सुमारास 300 फूट खाेल दरीत मालवाहतुक काेसळून भीषण अपघात झाला. या अपघातात दोन जणांचा जागीच मृत्यू झाल्याची घटना घडली आहे. अपघातग्रस्तस्थळी पाेलीसांनी अपघातग्रस्त भागाची पाहणी केली.
याबाबत सविस्तर माहिती अशी कि, चालकाचे नियंत्रण सुटल्याने मालवाहतुकीची गाडी 300 फुट दरीत कोसळली. कसारा घाटात मुंबईहून नाशिकच्या दिशेने हि गाडी जात होती. या अपघातात चालकाचा तसेच अन्य एकाचा मृत्यू झाला. यावेळी चालकाचा मृतदेह आपत्ती व्यवस्थापन सदस्यांच्या मदतीने पाेलीसांनी दरीतून बाहेर काढला.
