नवी दिल्ली : वृत्तसंस्था
देशात अनेक अत्याचार व विनयभंगाच्या घटना घडत असतांना अश्लील कृत्य करून पळ काढल्याच्या घटना अनेकदा समोर येतात. नंतर आरोपीवर कारवाईही होते. पण, एखाद्या महिलेनेच भररस्त्यात पुरुषाला अयोग्य स्पर्श करत अश्लील चाळे केले तर? होय विश्वास बसत नसला तरी सोशल मीडियावर असाच व्हिडिओ व्हायरल झाला असून दिल्लीमध्ये हा प्रकार घडल्याचा दावा केला जात आहे.
सायकल रिक्षा चालवणाऱ्या व्यक्तीला भररस्त्यात एक महिला अयोग्यपणे नको तिथे स्पर्श करताना व्हिडिओत दिसते. रिक्षाचालक काहीही प्रतिसाद देत नाही, तरीही महिला तिचे चाळे सुरूच ठेवते. हा व्हिडिओ व्हायरल झाला असून अनेक नेटकरी खवळले आहेत. ‘महिलेच्या कृत्यामुळे घाबरलेला रिक्षाचालक सुन्न झाला आहे. हेच कृत्य एखाद्या पुरुषाने महिलेसोबत केले असते तर आतापर्यंत तो तुरूंगात असता. हा पुरुषांचा लैंगिक छळ नाही का?’, अशा संतप्त प्रतिक्रिया नेटकरी देत आहेत
