पहूर : प्रतिनिधी
जामनेर तालुक्यातील पाळधी येथे बंद घराचे कुलूप तोडून घरातील ४१ हजार ५०० रुपये अज्ञात चोरटयांनी चोरून नेल्याचा प्रकार १२ रोजी सकाळी साडेपाच वाजेच्या सुमारास उघडकीस आला . याप्रकरणी पहूर पोलिसांत गुन्हा दाखल करण्यात आला आहे.
मिळालेल्या माहितीनुसार, पाळधी गावातील रहिवासी मयूर शिवाजी पाटील (वय २२) हे शेती व्यवसाय करून आपल्या परिवाराचा उदरनिर्वाह करतात. त्यांचे पाळधी येथील बंद घराचे कुलूप अज्ञात चोरट्याने १२ रोजी तोडून घरातील लोखंडी पेटीमध्ये ठेवलेले ४१ हजार ५०० रुपये चोरून नेले . याप्रकरणी पहूर पोलीस स्टेशनला गुन्हा दाखल करण्यात आला असून तपास पोहेकॉ प्रदीप चौधरी करीत आहे.
