लाईव्ह महाराष्ट्र न्यूज: आज पहाटे के.सी.पार्कजवळ भीषण अपघात झाला . ट्रॅक्टरने कारला धडक दिल्याने कारमधील दोन जण जागीच ठार झाले.
या अपघातात अन्य दुसरी महिला व पुरुष जखमी झाले असून दोघांना तात्काळ रुग्णालयात हलविण्यात आले . बुधवारी डंपरच्या धडकेत एका अधिपरिचरिकेला जीव गमवावा लागला
आज पहाटे गुरुवारी पहाटे भादली येथील पाटील कुटुंबीय नातेवाईकाला भेटण्यासाठी भोकर येथे कार ( क्रमांक एम एच -१४ – एफ सी ४५५०) ने जात होते. चालक बंडू पाटील होते. कानळदा रस्त्यावरील के.सी.पार्क जकात नाक्याजवळ समोरून भरधाव येणाऱ्या लाकडाने भरलेल्या ट्रॅक्टरने या कारलाजोरदार धडक दिली. अपघातात कारचा पुढील भाग चेन्दामेन्दा झाला असून चालकासह एक महिला जागीच ठार झाली.
जखमी झालेली अन्य महिला व पुरुषाला जिल्हा शासकीय वैद्यकीय महाविद्यालय रुग्णालयात दाखल करण्यात आले आहे. घटनास्थळी नागरिकांची गर्दी जमली त्यांनीच जखमींना बाहेर काढले. या अपघाताची माहिती कळताच पोलिसांनी घटनास्थळी धाव घेतली.
