यावल : प्रतिनिधी
येथे चोपडा रोडवरील मोमीन वाड्यात २ व ३ ऑगस्ट रोजी सलग दोन दिवस अंगावर चिखल उडण्याच्या कारणावरून दोन गटात झालेल्या भांडणाला दंगलीचे स्वरूप प्राप्त झाले. या घटनेनंतर पोलिसांचा बंदोबस्त तैनात करण्यात आला आहे. या घटनेत सातजण जखमी झाले असून बारा जणांविरुद्ध गुन्हा दाखल करण्यात आला आहे. जखमींना यावल येथून ग्रामीण रुग्णालयात प्राथक उपचार करून त्यांना जिल्हा रुग्णालयात रवाना करण्यात आले आहेत. याप्रकरणी परस्परविरोधी गुन्हे दाखल करण्यात आले आहेत.
मिळालेल्या माहितीनुसार, शेख फारूक शेख फिर्यादी याचा नातेवाईक शेख शोएब शेख शकील यांच्या अंगावर शेख शोएब शेख असलम याने चिखलाचे शिंतोडे उडवल्या रागातून बुधवारी कुरेशी मांडेवाला यांच्या दुकानासमोर सार्वजनिक ठिकाणी दोन गटांमध्ये भांडण झाले. यामध्ये सहाजणांनी हातात लोखंडी रॉडने मारहाण केली. या घटनेत सातजण जखमी झाले आहेत. याचप्रकरणात अर्शद करीम यांच्या फिर्यादीवरून नाचण्याच्या वेळी अंगावर चिखल उडाल्यामुळे सहाजणांशी भांडण झाल्याच्या कारणावरून गुन्हा दाखल करण्यात आला आहे.
