मुक्ताईनगर : प्रतिनिधी
शहरातील एका २५ वर्षीय तरुणीच्या घरी कोणी नसताना संशयित आरोपी घरात येत तरुणीसोबत चुकीचे कृत्य केल्याप्रकरणी एका विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार मुक्ताईनगर शहरातील एका परिसरात २५ वर्षीय तरुणी वास्तव्यास असून दिनांक ४ जुलै रोजी दुपारच्या सुमारास संशयित आरोपी तरुणीच्या घरी कोणीही नसताना तरुणीला पैशाचे आमिष देत चुकीचे कृत्य करण्याची मागणी केल्याने तरुणीच्या मनास लज्जा उत्पन्न झाल्याने तरुणीने मुक्ताईनगर पोलीस स्थानकात धाव घेत विनयभंग केल्याप्रकरणी गुन्हा दाखल करण्यात आला आहे. याप्रकरणी पुढील तपास पोलीस हेडकॉन्स्टेबल विनोद श्रीनाथ हे करीत आहे.
