जळगाव : प्रतिनिधी
तालुक्यातील एका गावातील बसस्थानकाजवळ मोबाईल चार्जर मागिल्याच्या शुल्लक कारणावरून चालकासह एकाला मारहाण करीत शिवीगाळ केल्याने एक गंभीर जखमी झाल्याची घटना घडली आहे याप्रकरणी नशिराबाद पोलीस स्थानकात सहा जणाविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, तालुक्यातील कडगाव येथील रहिवासी असलेले ३२ वर्षीय गणेश बाबुराव कोळी हा तरूण २३ मे रोजी सकाळी ९ वाजता गावातील बसस्थानकाजवळ सुनिल प्रकाश कोळी यांच्याकडे मोबाईलचे चार्जर मागितले असता. याचा राग आल्याने सुनिल कोळी, अनिल कोळीसह चार अनोळखी इसमांनी शिवीगाळ करीत बेदम मारहाण केली. मारहाण सुरू असतांना गावातील भुषण कोळी याने मध्यस्थी केली असता त्याला देखील मारहाण करीत जीवेठार मारण्याची धमकी दिली. या मारहाणीत दोघे गंभीर जखमी झाले. त्यांना जिल्हा शासकीय वैद्यकीय महाविद्यालयात उपचार करण्यात आले. त्यानंतर शनिवारी २७ मे रोजी रात्री १० वाजता नशिराबाद पोलीस स्थानकात सुनिल कोळी, अनिल कोळीसह चार अनोळखी इसमाविरोधात गुन्हा दाखल करण्यात आला आहे. पुढील तपास पोहेकॉ अतुल महाजन करीत आहे.
