धरणगाव : प्रतिनिधी
तालुक्यातील एका गावात १० वर्षीय अल्पवयीन मुलीसोबत एकाने अंगलट केल्याने त्याच्या विरोधात विनयभंग केल्या प्रकरणी धरणगाव पोलिसात गुन्हा दाखल करण्यात आला आहे.
मिळालेल्या माहितीनुसार, धरणगाव तालुक्यातील एका गावात आपल्या परिवारासह १० वर्षीय मुलगी रहायला आहे. दि २० रोजी दुपारी ३ वाजेच्या सुमारास गावात पाणी आले असतांना एकाने दहा वर्षीय मुलीला आपल्या घरी पाणी भरण्याच्या बहाण्याने बोलवून आतील रूममध्ये घेवून जात तिच्याकडे २० रुपये देवून तिच्या सोबत अंगलट केल्याची घटना घडली आहे. अल्पवयीन मुलीने तेथून काढता पाय घेत घरी येत घडलेला प्रकार आपल्या परिवारातील सदस्यांना सांगितला असता त्यांनी लागलीच धरणगाव पोलिसात धाव घेत एका विरोधात विनयभंग केल्या प्रकरणी गुन्हा दाखल करण्यात आला आहे. पुढील तपास सपोनि. प्रमोद कठोरे हे करीत आहेत. या प्रकारातील आरोपीला पोलिसांनी ताब्यात घेतले आहे.
