जळगाव : प्रतिनिधी
जळगाव तालुक्यातील एका गावात परराज्यातून आलेल्या एका १६ वर्षीय अल्पवयीन मुलीचा पाणी मागण्याच्या बहाण्याने एकाने विनयभंग केल्याची संतापजनक घटना उघडकीस आली आहे. या प्रकरणी नशिराबाद पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, जळगाव तालुक्यातील एका गावात परराज्यातून मजुरी करण्यासाठी आलेल्या परिवारातील एका १६ वर्षीय अल्पवयीन मुलगी घरात एकटी असतांना दि १९ रोजी एकाने घरात असलेल्या मुलीला पाणी मागण्याच्या बहाणा करीत घरात घुसत अल्पवयीन मुलीसोबत चुकीचे कृत्य केल्याची घटना उघडकीस आली आहे. अल्पवयीन मुलीने घडलेला प्रकार आपल्या पालकांना सांगितला असता. त्यांनी लागलीच नशिराबाद पोलिसात धाव घेत एका संशयित आरोपी विरोधात गुन्हा दाखल करण्यात आला आहे. पुढील तपास पीएसआय.राजेद्र साळुखे हे करीत आहेत. या प्रकरणी संशयित आरोपीस अटक करण्यात आलेली आहे.
