जळगाव : प्रतिनिधी
एमआयडीसी पोलिस ठाण्याच्या हद्दीत सहा वर्षीय चिमुकलीचा विनयभंग केल्याप्रकरणी एमआयडीसी पोलिसांनी अर्शद रब्बी पटेल (२१, रा. सुप्रीम कॉलनी) याला अटक केली आहे. त्याला न्यायालयात हजर केले असता, १९ मेपर्यंत पोलिस कोठडी सुनावण्यात आली आहे.
पोलिसांनी दिलेल्या माहितीनुसार सोमवारी सायंकाळी चिमुकली घराजवळ खेळत होती. अर्शद पटेल याने तिला एका घरामध्ये नेऊन विनयभंग केला. मुलीने आरडाओरड केल्यानंतर तिच्या आईने धाव घेऊन अर्शदच्या तावडीतून मुलीची सुटका केली. त्यानंतर तेथून अर्शदने पळ काढला. याप्रकरणी मुलीच्या आईच्या फिर्यादीवरून एमआयडीसी पोलिस ठाण्यात विनयभंगाचा गुन्हा दाखल करण्यात आला होता. मंगळवारी एमआयडीसी पोलिसांनी त्याला अटक केली. ही कारवाई पोलिस निरीक्षक जयपाल हिरे यांच्या मार्गदर्शनाखाली पोलिस उपनिरीक्षक रूपाली महाजन, अतुल वंजारी, अल्ताफ पठाण, सुधीर साळवे, इमरान सैय्यद, सचिन पाटील, राहल रगडे यांनी केली.
