जळगाव : प्रतिनिधी
शहरात एकाच दुचाकीने नातेवाइकाच्या लग्नासाठी जळगाव येथे येणाऱ्या चौघांना ट्रॅक्टरने उडविल्याची घटना मंगळवारी दुपारी १२:४० वाजता तालुक्यातील किनोद गावाच्या पुढे सावखेडा फाट्यावर घडली. यात एका जणाचा जागीच मृत्यू झाला तर इतर तीन जखमी झाले. तिघांना शासकीय वैद्यकीय रुग्णालयात उपचारासाठी दाखल करण्यात आले आहे.
मिळालेल्या माहितीनुसार, फुफणी येथील रहिवासी ज्ञानेश्वर सपकाळे हे दुचाकीने जळगावला लग्नाला येत होते. त्यांच्यासोबत त्यांचा मोठा मुलगा डिगंबर सपकाळे (१२), त्यांचे मित्र राजेंद्र सोनवणे (४२), नीलेश निकम (३८) हे तीन जण सोबत होते. एकाच दुचाकीने फुफणी येथून निघाल्यानंतर त्यांच्या दुचाकीला ट्रॅक्टरने जोरदार धडक दिली.
