जळगाव : प्रतिनिधी
शहरातील एका महाविद्यालयात झालेल्या ‘साडी डे’ ला काढलेला फोटो एकाने आपल्या इन्स्टाग्राम स्टोरीवर ठेवून माय वाइफ, लव्ह यू मेरी जान, मिस यू बेबी… असा मजकूर लिहल्याने तरूणाविरोधात विनयभंगाचा गुन्हा शहर पोलिसात दाखल करण्यात आला आहे.
मिळालेल्या माहितीनुसार, शहरातील एका परिसरातील तरुणी १२ वीचे शिक्षण घेत असून तिच्या महाविद्यालयात दोन महिन्यापूर्वी ‘साडी डे’ हा कार्यक्रम झाला. मुलीच्या एका ओळखीतील मुलाने सर्व मुलीचे फोटो काढले होते. त्यानंतर त्या मुलाने तरुणीसोबत देखील फोटो काढलेले असून त्यानंतर तरुणाने सोशल मिडीयावरील इन्स्टाग्राम स्टोरीवर तो फोटो ठेवून माय वाइफ, लव्ह यू मेरी जान, मिस यू बेबी… असा मजकूर लिहून ठेवला. तो फोटो मुलीसह मुलीच्या परिवारातील सदस्यांनी पाहिला असता तरूणाविरोधात शहर पोलिसात मुलीच्या आईच्या फिर्यादीवरून शहर पोलिसात तरुणाविरुध्द गुन्ह्याची नोंद करण्यात आली आहे.
