जळगाव : प्रतिनिधी
शहरातील एका परिसरातील ३४ वर्षीय तरुणाने आपल्या राहत्या घरात दोरीच्या सहाय्याने गळफास घेत आपली जीवनयात्रा संपविल्याची दुर्देवी घटना घडली आहे. याप्रकरणी जिल्हापेठ पोलीस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील निवृत्ती नगरातील रहिवासी असलेले हेमंत राजेंद्र चौधरी (वय-३४) या तरुणाने दि १२ मे रोजी रात्री नेहमी प्रमाणे जेवण करून झोपलेले होते. मध्यरात्री घरात चौधरी कुटुंबिय गाढ झोपलेले असतांना त्यांनी दोरीच्या सहाय्याने किचनमध्ये गळफास घेवून आपली जीवनयात्रा संपविली. शनिवारी पहाटेच्या सुमारास उघडकीस आली. पतीचा मृतदेह दिसताच पत्नीने एकच हंबरडा फोडला. तरुणाच्या आत्महत्येचे कारण अस्पष्ट आहे. हा प्रकार शनिवारी 13 मे रोजी सकाळी 5 वाजता पत्नी गायत्री यांच्या लक्षात आल्याने त्यांनी एकच हंबरडा फोडला होता. नागरीकांच्या मदतीने मृतदेह खाली उतरवून जिल्हा शासकीय वैद्यकीय महाविद्यालयात दाखल करण्यात आला. जिल्हापेठ पोलीस ठाण्यात अकस्मात मृत्यूची नोंद करण्यात आली आहे. मयताच्या पश्चात पत्नी गायत्री, मुलगा प्रतिक (वय-16) आणि मुलगी माही (वय-8), आई मंगला, भाऊ विनोद आणि दोन विवाहित बहिणी असा परिवार आहे.
