जळगाव : प्रतिनिधी
शहरातील नवीन बस स्थानकावर आलेल्या एका महिलेचे तब्बल लाखो रुपयाचे दागिने अनोळखी इसमाने चोरून नेल्याचा धक्कादायक प्रकार उघडकीस आला आहे. या प्रकरणी महिलेच्या फिर्यादीवरून जिल्हा पेठ पोलिसात गुन्हा दाखल करण्यात आला आहे.
मिळालेल्या माहितीनुसार, सिडको शहरातील सत्यम पार्क परिसरातील रहिवासी स्नेहन अजित तायडे (वय ३१) हि महिला दि १० रोजी दुपारच्या सुमारास जळगाव ते यावल येथे जाण्यासाठी शहरातील नवीन बसस्थानक परिसरात येत बस मध्ये बसत असतांना अनोळखी इसमाने त्यांच्या ताब्यातील ५० हजार किमतीचे सोन्याची पोत ४० हजार रुपये किमतीची सोन्याची लहान पोत, १० हजार किमतीचे सोन्याचे टोगल, १२ हजार किमतीचे सोन्याचे मंगळसूत्र असा एकूण १ लाख १२ हजारांचा सोन्याचे दागिने लंपास केल्याची घटना घडली आहे. या प्रकरणी महिलेने थेट जिल्हा पेठ पोलिसात धाव घेत अनोळखी चोरट्या विरोधात गुन्हा दाखल केला आहे. पुढील तपास पोहेकॉ.मनोज पवार हे करीत आहेत.
